تجاربي ...المقرمشات

سلسلة تجاربي 1

صناعة المقرمشات

أول شي أبي أطرح تجارتي بالعامية ..

ثاني شي مادري ليش.. فجأه بعز انشغالي تطري على بالي الأفكار..تذكرت ان أمس شريت (فندال) بطاطا حلوة وحبيت اسوي شيبس صحي (كنت شاريه نفس طريقته على أساس انه صحي..وهو مليان دهن) فكرت أن أنا عندي الة تقطع وتشرح الفواكه والخضراوات جايبتها لي زميلتي بالعمل...وأن البطاط  المعبأ يكون فيه مواد حافظة فليش ما أجرب أسويه عشا يكون صحي بالفعل!!

استخدمت الالة اللي تشرح الخضراوات.. وشرحت بطاط عادي والفندال والجزر ..تالي حطيته بالتيفال ورشيت عليهم رذاذ (زيت) وشوية زيت زيتون مع فلفل أسود وبودرة الفلفل.

 حطيتهم بالفرن على درجة حرارة عالية لمدة 10 دقائق ..بعدين قصرت عالحرارة على أقل درجة لمدة نصف ساعة تقريباً..

النتيجة كان حلوة واصنفها (جيدة) كان جزء من الخضراوات محمش لأنه ملاصق للتيفال والباقي لين وبعد مابرد صار شوية أيبس..

يقدم مع أصابع الخيار والكرفس الأمريكي(السلري) وممكن روب.. وبالعافية .

المره الجاية باذن الله بجرب شرايح الشمندر.. أتوقع في أجهزة تحمص وتجفف عالهوا..

في أحد جربها ..أفيدونا  :)

ودمتم,,

خلود